ستوري-جامي، أمسية حكواتية بالعربي مع اوريجامي

هاذ الشهر أمسيتنا الحكواتية الها شكل ثاني وضيوف مميزين بزيارة لهولندا من مصر. ولأول مرة رح يعملوا ورشة الستوري-جامي بالعربي. ف انتو رح تكونوا اول ناس بجربوا معهن.

لما سألت ؤزؤز شو اكتب عن الأمسية اعطاني النص اللي تحت:

يعني إيه ستوري جامي؟

يعني إزاي نألف حكاية واحنا بنطبق أي شكل بالأوريجامي

فكل تطبيقة أوريجامي هي جزء من حكايتنا، ممكن تكون بطل الحكاية، ممكن التطبيقة دي تبقى سيارة أو بيت أو مركب والحكاية تتطور معاها. ممكن التطبيقة تبقى زمان الحكاية أوعقدتها، أو ممكن حتى تبقى حل القصة نفسها.

من ال6ونص لل7 رح يكون نون مفتوح للي بحبوا يوصلوا ع رواق، يوكلوا شي او يشربوا شي ويدردشوا مع الموجودين.

على ال7 رح تبدأ الورشة مع ؤزؤز وبورا. وحسب الحضور والهمة رح نشوف لوينتا رح تستمر الورشة :))

عندكو اسئلة؟ ابعثولنا على انستغرام نون او ايميلنا. عندكو اقتراحات؟ تعالوا وخبرونا اياهن :)

حابين اكبر عدد يقدر يحضر، لهيك التذكرة حسب شو بتحبوا وبتقدروا. المبلغ الموصى بيه 5 يورو. العدد الكلي للحضور ما بنفع يكون أكثر من 20 حتى تكون ورشتنا كنكونة ف يا ريت تسجلوا قبل ما تيجوا. وإذا كنا أقل بتكون لمة نغنوشة :))

التصميم الجميل من إبداع رنا أمين.