Pasa Palabra

~~~~~~~~Move, instalá bo mes i eksplorá~~~~~~~~

Bo ta kla pa otro edishon ‘Live’ di Pasa Palabra? E biaha aki nos lo enfoká riba e tema ‘migrashon’. Un tema hopi aktual bou di e habitantenan di e diferente islanan den reino Hulandes ku ta krusa laman diariamente pa establesé nan mes pa traha i forma un futuro fruktífero. Dor di migrashon entre e islanan, dos idioma mama a topa i uni ku otro. Den kuadro di esaki pa promé biaha nos lo presentá un edishon di Pasa Palabra kaminda idioma papiamentu i inglés lo ta sentral. Durante di e edishon aki nos lo trese pasashinan históriko di migrashon entre e islanan di reino Hulandes.

Bin kompartí ku nos bo obra na papiamentu/o i Inglés. No ta importá si ta un poesia, un kantika, un rèp òf un kuenta, basta bo korokoro resoná. Laga públiko sa ken bo ta! Tambe bo ta bon biní pa maik habrí. Inskribí bo mes akinan: https://docs.google.com/forms/d/1A_4vtpQ5-aY0zNAVE8ckfInuTvMzuz0R5FDRmpanvqk

Un i tur ta bon biní na Musicon (Den Haag). Porta lo habri 18:30. Levende Talen Papiaments i Musicon lo mantené e reglanan strikto stipulá pa RIVM. Pa bo por drenta Musicon bo mester mustra bo Corona Check app òf bo buki hel di bakuna òf un PCR- test resien no menos ku 48 ora bieu na porta. Kòrda ku ta huntu nos ta kombatí Covid-19. Bin disfrutá di kada un obra.

Registrá lihé pa e biaha aki bo no keda afó!