Fryske Poëzyslam 2025

Wa is de bêste Fryske Poëzyslammer? Kom 26 juny nei de Fryske Poëzyslam!

Op tongersdei 26 juny is by Tresoar de tredde edysje fan de Fryske Poëzyslam: tsien talintearre dichters nimme it tsjin elkoar op. It wurdt in jûn fol ferpletterjende foardrachten en poëtyske hichtepunten. Fans, famylje en freonen en alle poëzyleafhawwers binne fan herte wolkom!

By de poëzyslam kiest it publyk yn trije rondes út tsien dielnimmers úteinlik de bêste foardrager. Der binne trije rondes: foarronde (alle 10 dielnimmers), twadde ronde (5 meie troch) en de finale (2 finalisten yn in duel). Tusken de earste en twadde ronde is in muzikaal yntermezzo. De presintaasje is yn hannen fan Gabrielle Terpstra en Arjan Hut.

Wa fan de twa finalisten krijt de measte stimmen en krijt neist ivige rom, de prachtige wikselbeker én 500 euro? Wa folget de winner fan de foarige edysje, Martsje de Jong, op?

Ynrin is fan 19.00 oere ôf. It programma begjint om 19.30. Elkenien is fan herte wolkom. De entree is fergees.

It tal plakken in beheind, fol is fol!